Upwork Bidding Tips Jo Apko Kamiyaab Karyn Gi

Upwork-bidding-tips-how-to-effectively-bid-on-upwork
Share the Knowledge to Help Others

 

To dosto, aaj kay article mai main apko aesi Upwork Bidding Tips batany ja rha hun kay agar aap unky mutabiq bid karyn gy. To yaqeenan aap projects hasil kar sakty gay.

Dosto, yaqeeni tor par ye buhat hi achi cheez hai ky aap log ghar baith kar pur-sukoon tareeqay sy freelancing karty huay buhat achy paisy bna sakty hyn. Is kaam main ap kisi qisam ky paband nhi hoty jesa kay offices main hota hy aur na hi apko koi khaas qisam ki dressing karni parti hy, aap apny boss khud hoty hyn aur apni marzi sy apny time py kaam karty hyn.

Lekin agar aap freelance career shuru karna chahty hyn to aik buhat aeham masla ye ata hy ky aap ky ilawa aur bhi buhat zyada log hain jo ky yhi cheez sochty hain aur wo bhi freelancer kay tor par kaam karna chahty hain. Is waja sy competition buhat zyada ho jata hai kunky aik client ki job par bid karny waly buhat sy freelancers hoty hain to client kisi aik hi bandy ko job assign karta hai.

To aaj main apko freelancing ki sab sy bari marketplace ya’ni ky Upwork par bid karny kay hawaly sy kuch cheezain bataon ga joky yaqeeni tor par apko job win karny main kaam ayn gi.

 

Upwork Bidding Tips or Strategies

 

1-) Client Ki Job Aur Uski Requirements Ko Samajhna

Upwork jobs par bid kesy karyn? Is sawal ky jawab main jo sabsy pahli cheez ati hy wo ye hai kay client ny jo job post ki hay usko achi tarhan parhain aur samjhyn ky aakhir client ki kya zroorat hai. Phir khud sy ye pochyn ky kya aap is qabil hyn aur kya ye job apki skills ky mutabiq hai?

Agar to aap samajhty hain ky main ye kaam bilkul achy tareeqay sy kar sakta hun to phir aap us job par zroor bid karyn kunky aap isky ahal hain.

Aik baat yaad rakhain aap har job par bid nhi kar sakty aur phir aap ye tawaqu karyn kay aap wo job hasil kar lain gay to dosto aesa bilkul bhi nahi hai, har job aap kay lye nhi hai.

 

2-) Job Ki Description Ko Dehan Say Parhain And Samjhyn

Main is cheez ki zyada gahrai main to nhi jaon ga kunky aik freelancer hony kay naty aap isky bary main to pahly janty hain aur is par tawajuh diye beghair to aap ki daal nahi galny wali. Apka aik sy zyada martaba buhat gaur sy job ki description ko parhna buhat zroori hai taky aap us kaam ki noe’yat ko jaan sakyn. Description ko achi tarhan parhny aur samajhny kay baad apko ye andaza bhi ho jay ga kay is kaam ko karny kay lye kis qisam ki skill chahiye aur kya aap isko kar sakty hain.

Agar aap samajhty hain ky ap us kaam ko achy tareeqy sy anjaam nhi dy sakyn gay to aapko us kaam par bid nhi karni hai. Kunky agar aap aesy kaam karny ki koshish karyn gay jinky bary main apko muqamal tor par nhi pata to wo apky lye negative review ka sabab banyn gay aur ye apki profile ky lye achi baat nhi hogi.

 

3-) Client Ko Usky Name Say Bulana

Is heading ko daikhny kay baad aap ye soch rahy hon gay ky hamyn client ka name kesy maloom hoga. Agar to client upwork par buhat pahly sy hai aur is sy pahly usny buhat sy kaam karwa’ay hain to apko uski pichli jobs main freelancers kay reviews milain gay. Agar aap un reviews ko achy tareeqay sy daikhyn to kahin na kahin apko client ka naam mil jay ga. Agar ap bid karty waqt client ko uska naam lykar bulain gay to is sy client par buhat acha asar jay ga.

 

4-) Pahly Say Bany Huay Aur Sample Proposals Bilkul Istemaal Na Karyn

Upwork bidding tips main agar aap pahly sy bany huay proposals ko istemaal karty huay sirf kuch minutes main kafi sari jobs par bid kar dyn gy to shayad hi ap koi job hasil kar sakyn. To dosto, jald bazi karny ki bijaey agar ap job ki description ko achy tareeqay sy parh kar aur samajh kar usky mutabiq apna proposal khud tiyaar karyn gay to wo client par buhat acha asar daly ga aur apky job win karny kay zyada chances hon gay.

 

5-) Proposals Main Apni Skype ID Dyn

Upwork bidding tips main ye buhat hi zroori cheez hai ky aap apny proposal main apni skype id dyn kunky buhat si martaba ye aap ky lye aik game changer ky tor par sabit ho sakta hai. Kunky agar direct call par ap client ky sath interview kar sakyn gay to aap client ko is baat par raazi kar sakyn gay kay aap is kaam ko karny kay lye tyaar hain aur buhat zyada chances hain kay client apko wo kaam assign bhi kar dy ga.

 

6-) Niche-Specific Freelancer Kay Tor Par Kaam Karyn

Mery dosto, freelancing career main kamiyaab hony kay lye ye buhat zroori hai kay ap apni profile ko aik makhsoos skill par bana’eyn na kay mukhtalif skills par tyaar karyn. Kunky niche-specific profiles par achy paison main jobs milti hain aur profile zyada jaldi kamiyaab hony kay chances hoty hain. Agar aap aik kaam main mahir hain aur apny clients ko khush kar rhy hain to clients ko pta hota hai kay ye kaam ye bandy buhat achy tareeqay say karta hai. Clients jab apki services say related freelancers ko talash kar rahy hon gay to wo apsy rabta karyn gay. Kunky aap is kaam main expert hain

 


Share the Knowledge to Help Others

About Technical Master

The Technical Master is a platform created to give knowledge of all about the world of the Internet, Technology, Digital Marketing, Online Earning, and much more to the people of our community.

View all posts by Technical Master →

Leave a Reply

Your email address will not be published. Required fields are marked *